चुनावको मिति घोषणा नगरिए सरकारको विकल्प खोज्नुपर्छ’

चितवन, ९ जेठ । नेपाली काग्रेसका नेता नरहरि आचार्यले एनेकपा माओवाद सत्ताकब्जाको रणनीतिका साथ अगाडि बढिरहेको आरोप लगाएका छन् । एमाओवादी जसरी भएपनि सत्ता कब्जा गर्ने राज्यको ढुकुटी रित्याउने अभियानमै लागेको भन्दै नेता आचार्यले माओवादीको आश्वासनमा नपर्न सर्वसाधारणलाई आग्रह गरे ।
नेपाली काग्रेस क्षेत्र नं.२ ले आज पूर्वी चितवनको रत्ननगरमा आयोजना गरेको संगठन सुद्धढीकरणका लागि शुभेच्छुक संघ–संस्थाका प्रतिनिधिहरुसगंको अन्र्तक्रियामा नेता आचार्यले माओवादी नसुध्रिएसम्म संविधान बन्न नसक्ने दावी गरे । यसअघिको निर्वाचनमा माओवादीलाई जनताले समर्थन गरेकै हो नि, तर किन संविधान बन्न सकेन, उनले प्रश्न गर्दै भने, ‘माओवादी संविधान बनाउन नै चाहन्न । त्यसैले अब फेरी पनि माओवादीले जिते देशले संविधान पाउदैन ।’

नेता आचार्यले सरकारले चुनावको मिति घोषणा गर्नमा गरेको ढिलाईले आशंका उब्जाएको भन्दै तत्काल मिति घोषण नभए सरकारको विकल्प खोज्नुपर्ने बताए । कुनै एक दलको अडान मात्र नभई सबै दलको सहमतिमा निवार्चन सम्बन्धि ऐन ल्याउन सरकारलाई आग्रह गरे ।

12:22 AM