दिनेश बास्तोला, काठमाडौं, प्रसिद्ध आईटी कम्पनी माइक्रोसफ्टले केही मोबाइल फोन मोडल्सबाट ‘नोकिया’ ब्राण्ड नेम हटाइरहेको छ । कम्पनीले पप्युलर ‘आशा’ रेन्जलाइ बन्द गर्नुका साथै स्मार्टफोन्सको मूल्य आक्रामक तरिकाले कम गर्ने तयारी गरेको छ । कम्पनीले भारत जस्तो इमर्जिङ मार्केट्समा पहिलो पटक फोन खरिद गर्नेहरूलाइ टारगेट गर्दै फीचर फोनको आफ्नो ‘फर्स्ट’ क्याटेगरी सार्वजनिक गरिरहेको छ । यस फोनको मूल्य ४० डलर भन्दा पनि कम हुने बताइएको छ ।
यस आक्रामक प्राइसिङ् स्ट्रेटेजीको उद्देश्य मार्केट्समा आफ्नो ह्याण्डसेट कम्पनीको मार्केट शेयर बढाउनुका साथसाथै आफ्नो विन्डोज अपरेटिङ सिस्टमलाइ मार्केटमा लिडर एन्ड्रोइड र एप्पलको आईओएसलाइ टक्कर दिन लायक बनाउनु हो । आईडीसीका अनुसार, विन्डोज अपरेटिङ सिस्टमको मार्केट २.५ प्रतिशत रहेको छ, जबकि एन्ड्रोइड ८४.७ प्रतिशतका साथमा एक नम्बरमा रहेको छ । आईओएसको भने ११.७ प्रतिशतको हिस्सेदारी रहेको छ ।
माइक्रोसफ्टले गूगलको ‘एन्ड्रोइड वन डिभाइसेज’ लाइ हेर्दै आफ्नो स्ट्राटेजी बदलेको छ । सोमबारनै माइक्रोम्याक्स, कार्बन र स्पाइस जस्ता प्रमुख इन्डियन ह्याण्डसेट मेकर्सका साथमा मिलेर गूगलले ‘एन्ड्रोइड वन डिभाइसेज’ सार्वजनिक गर्न गैरहेको छ । यस अघि फायरफक्सले पनि भारतीय ह्याण्डसेट पार्टनर्सका साथमा मिलेर ३ हजार २ सय नेपाली रूपैयाको मूल्यमा स्मार्टफोन सार्वजनिक गरिसकेको छ । माइक्रोसफ्टमा मोबाइल डिभाइस सेल्सका भ्वाइस प्रेसिडेन्ट क्रिस वेबरले इकनोमिक टाइम्सलाइ बताए अनुसार यो पुरै पोर्टफोलियोलाइ नयाँ लुक दिने कुराको शुरूवात हो ।
माइक्रोसफ्ट फोनको मूल्य निकै कम गर्ने तयारीमा छ । माइक्रोसफ्टले यहि बर्षको अप्रिल महिनामा ७.५ अरब डलरमा नोकियालाइ खरिद गरेको थियो । अब डिभाइसहरूको सेल्स बढाउनका लागी नयाँ स्ट्राटेजीमा केही परिवर्तन गरिएको छ । वेबरका अनुसार आगामी बाह्र देखि अठार महिनामा माइक्रोसफ्ट विन्डोज स्मार्टफोन्सको प्राइस सम्बन्धमा काम गर्नेछ । अहिले सम्म पनि एक अरब मानिसहरूसंग मोबाइल फोन छैन भने २ अरब मानिसहरूको मोबाइल डिभाइसेजमा इन्टरनेटको पहुंच छैन । यस्तोमा कम्पनीले यस्ता मानिसहरूलाइ टारगेट गर्न खोजेको हो । -
0 comments:
Post a Comment