नेपाल ल्याएपछि त्रिभुवन अन्तर्राष्ट्रिय विमानस्थलबाट पार्थिव शरीर सीधै रानीवनस्थित गुम्बामा लगिएको छ । आगामी १५ गते सोही गुम्बामा रिम्पोचेको अन्त्येष्टी गरिने छ ।
रिम्पोचेप्रति श्रद्धाञ्जली चढाउन गुम्बामा धर्मोदयसभा लगायतका दर्जनाँै बुद्धमार्गी संघ–संगठनका प्रतिनिधि तथा रिम्पोचेका हजारौं अनुयायीहरु उपस्थित भएका थिए । त्यस अवसरमा बौद्ध परम्पराअनुसार पाठ समेत गरिएको थियो ।
एक महिनाअघि जर्मनीमा निधन भएका रिम्पोचेको चाहनाअनुसार अन्त्येष्टीका लागि पार्थिव शरीर नेपाल ल्याइएको हो । तिब्बती महायानी धर्मगुरु रिम्पोचेले लामो समय नेपाललाई कर्मथलो बताएका थिए । तर, पछिल्लो समय भुटानी नागरिकता लिएका थिए ।
विदेशीमै निधन भएका विदेशी नागरिकको शव अन्त्येष्टीका लागि नेपाल ल्याउन नमिल्ने भन्दै नेपाल सरकारले अलमल गरेको थियो । तर, प्रधानमन्त्री सुशील कोइरालाले रिम्पोचेको अन्त्येष्टी नेपालमै गर्ने व्यवस्था मिलाउन निर्देशन दिएपछि गृहमन्त्रालयले पार्थिव शरीर ल्याउन अनुमति दिएको हो ।
- See more at:
.jpg)
.jpg)
.jpg)
.jpg)
.jpg)
.jpg)
 ){kind=link}
0 comments:
Post a Comment