कुनै पनि जटिल समस्या रोग नै किन नहोस हासेरै जित्नु पर्छ ..भन्ने कुरालाई .. मदन कृष्णा श्रेष्ठले देखाएका छन्..

२६ असार, काठमाडौ । रोग लाग्यो भने धेरैले लुकाउने बानी हुन्छ । भन्नै पर्‍यो भने पनि बिरामीले आफ्नो समस्या आधामात्र भन्ने गर्छन् ।

अपहेलित हुने डरले परिवारका सदस्यलाई समेत खुलेर आफ्नो समस्या भन्दैनन् । जब रोगले थला पार्छ त्यसपछि उपचारका लागि अस्पताल जाने प्रवृत्तिले धेरैको जीवन जोखिममा पर्ने गरेको छ ।

यस्ता घटना नेपाली समाजका लागि नौला होइनन् । तर हास्यकलाकार मदनकृष्ण श्रेष्ठ अरुभन्दा पृथक र साहसिक रुपमा प्रस्तुत हुने कोशिस गरेका छन् ।

आजको अन्नपूर्ण पोस्ट दैनिकले समाचार छापेको छ ।
कलाकारिताको माध्यमबाट समाजमा विभिन्न विषयमा जनचेतना फैलाउन र नागरिकलाई सचेत गराउन सफल श्रेष्ठले आफ्नो जीवनमा आइपरेको दःखलाई डटेर समाना गरेका छन् ।

 पार्किन्सबाट पीडितश्रेष्ठको नेपालमै शल्यक्रिया भएको छ । स्रोतले भन्यो,’मन दह्रो बनाएर अगाडि नबढेको भए श्रेष्ठलाई यस्तो सफलता मिल्ने थिएन । उनले हाँसेरै रोगलाई जिते । जसमा नेपाली न्युरो सर्जनको हात महत्वपूर्ण छ ।’

आत्मविश्वासले मानिसलाई जटिल समस्याबाट मुक्ति दिन सक्छ भन्ने उदाहरण बनेका छन् कलाकार श्रेष्ठ । जीवनमा लामो समय कलाकारितामा बिताएका उनले भने,’मलाई देखिएको समस्याको उपचार अत्यन्तै जटिल र महँगो मानिन्छ । तर यसमा चिकित्सक सफल भएका छन् ।

 मलार्य खुसी लागेको छ ।’
पार्किन्सनको उपचारका लागि विभिन्न अस्पताल धाएका श्रेष्ठ पार्किन्सलाई जितेपछि यो रोगका बारेमा भएका भ्रम चिर्दै जनचेतना फैलाउने अभियानमा जुट्ने भएका छन् । 

10:18 AM