पोखरा, भाद्र १९ । कास्की जिल्ला मालपोत कार्यालयका नायब सुब्बा कृष्णप्रसाद पनेरु १० हजार रुपैयाँ घुस लिँदालिँदै अख्तियारको फन्दामा परेका छन् ।
सेवाग्रहीसँग घुस लिइरहेका बेला अख्तियार दुरुपयोग अनुसन्धान आयोग क्षेत्रीय कार्यालय पोखराले आज पनेरुलाई उनकै कार्यकक्षबाट पक्राउ गरेको हो ।
पनेरुले पोखरा–११ मणिपालका मनोरथ बास्तोलाको जग्गाको हाल साविक गर्नका लागि १० हजार रुपैयाँ मागेको र बास्तोलाले अख्तियार कार्यालयमा उजुरी दिएपछि अख्तियारले छापा मारेको हो ।
पनेरु अहिले अख्तियारको थुनामा रहेको र छानविनपछि भ्रष्टाचारको अभियोगपत्र पेस गरिने अख्तियारले जनाएको छ
0 comments:
Post a Comment