५० हजार घुस लिँदालिँदै नापी सर्वेक्षक रंगेहात पक्राउ (भिडियोसहित)

काठमाडौं, भाद्र १८ । काठमाडौ चाबहिल नापी कार्यालयका सर्वेक्षक शिवनारायण यादवलाई अख्तियार दुरुपयोग अनुसन्धान आयोगले बुधबार घुस लिँदालिँदै नियन्त्रणमा लिएको छ । सेवाग्राहीबाट ५० हजार रुपैयाँ घुस लिँदै गर्दा उनलाई अख्तियारको टोलीले चाबहिलबाटै रंगेहात पक्राउ गरेको हो ।

 यादवले काठमाडौंको कपन गाविस वडा नं. ९ को कित्ता नम्बबर १३३ र २७५ जग्गाको कित्ताकाट गरिदिनका लागि सेवाग्राहीबाट रकम लिएका थिए । कित्ताकाटका लागि १५ दिनदेखि झुलाउँदै आएका यादवले १ लाख रुपैयाँ मागेको र सेवाग्राहीले ५० हजार दिने सहमति गरी अख्तियारलाई खबर गरेको बुझिएको छ ।

8:44 AM