रेजिना फेरि सक्रिय (सबै पढ्न तलको लिंक मा जानु होला)

काठमाडौं । विवाहपछि सिनेमासँग सम्बन्धित कार्यक्रममा रेजिना उप्रेतिको उपस्थिती पातलो हुन थालेको थियो । केही महिना त उनलाई कुनै कार्यक्रममा देखिएको थिएन । उनको उपस्थिती नदेखिएपछि कतिपयले अनुमान पनि गरे अब रेजिना हराइन ।

तर, रेजिनाले फिल्मी क्षेत्रमा फेरि सक्रिय हुने बताइन् । गोपीकृष्ण मुभीजले आयोजना गरेको एनएफडीसी अवार्डमा भेटिएकी रेजिना अब केही समय नेपालमै बस्ने योजनामा रहेको बताउछिन् । अघिल्लो दिन काठमाडौंमा भएको लोक दोहोरी महोत्सबमा पनि उनी सहभागी भएकी थिईन् ।

नेपालमा जन्मेका तर, बेलायतमा बसोबास गर्दै आएका सुरज पोखरेलसँग बिबाह गरेकी रेजिना बिवाहपछि बेलायतमै बस्दै आएकी थिईन् । 

बिबाहपछि पारिवारिक जिम्मेवारी बढेको र परिवारलाई पनि समय दिनपर्ने भएकाले केही समय फिल्मवाट टाढिएको भन्ने रेजिनाले आगामी दिनमा भने फिल्ममै सक्रिय हुने योजनामा छिन् । 

उनले अनलाइनखबरसँग कुरा गर्दै भनिन् ‘अब म फेरि अभिनयमा सक्रिय हुन्छु, म नेपाली फिल्म छाडेर कहि पनि जान सक्दिन ।’

8:06 PM