ढुंगाको काप फोरेर निस्कियो पीपल

काठमाडौं, फागुन २४ -
मर्ने कसैलाई रहर हुँदैन, तर नमरेको प्रहर हुँदैन
भागेर जाउ, कुन ठाउँ जाउ, मान्छे नमर्ने शहर हुँदैन......
अहिले धेरैका फेसबुकका भित्ता र ट्वीटर
यही शव्दले भरिएका छन् । सबैले आ– आफ्नै
तरिकाले यो गीतको बयान गरेका छन् ।
कोहीले जिन्दगीसँग
जोडिएको गीत भनेका छन । कोहीले
बाल स्वरको प्रशंसा गरेका छन् । अझ धेरैले म्यूजिक भिडियोको खुलेर
तारिफ गरेका छन् । तर गीतका गायक भने
उतिसारो चर्चामा छैनन् । गीतमा रहेको स्वर हो,
१३ वर्षका प्रेम परियारको ।
धादिङ, मलेखुका प्रेम परियारले
गाएको गीतको चर्चा बढ्दैछ । तर
उनको वास्तविकता थोरैलाई थाहा छ । दुई तीन
बर्षअघिसम्म धादिङ मलेखु बजारका होटल होटल चहारेर
गीत गाउने बालक हुन् उनी ।
त्यति बेला उनी नयाँ मान्छे
कोहि देख्यो की गीत सुनाई हाल्थे
। गायक बन्ने ठूलो सपना छ प्रेमभित्र ।
पछिल्ला चार बर्ष प्रेमले स्कूल जाने र
फुर्सदका बेला होटलमा आउने मान्छेलाई गीत सुनाएरै
बिताए । कसैले दयाले गीत सुन्दिए, कसैलाई साँच्चै
मन पर्यो ती बालकको प्रतिभा । प्रेम भन्छन् ‘स्कुल
सकिएपछि मैले होटलमा गीत गाउथे र सुनाउथे ।’
गीत गाएर कमाएको पैसा आमालाई दिन्थे
उनी । कलिलो स्वरमा पाका र
खारिएका कलाकारको गीत दुरुस्तै गाउने क्षमता छ
प्रेमसँग । त्यो क्षमतालाई पुष्टि गरेको छ विकास
आचार्यको चलचित्र ‘नाई नभन्नु ल – २’ को गीतले ।
बाल मनोबिज्ञानमा आधारित चलचित्रका दुई गीतले
प्रेमको उचाई बढाउँदै छ । गीतका रचनाकार डा.
कृष्णहरि बराल उनको प्रतिभा देखेर दंग छन् । बराल भन्छन्
‘गीत रेकर्ड हुँदा म पनि स्टुडियोमा थिए,
ओहो उनको खुवी ! म त छक्क परे । ’
प्रेमको गलामा एउटा व्यवसायिक गायकमा हुनुपर्ने गुण
देखेका बराल थप्छन ‘प्रेमले गीतमा न्याय मात्रै
गरेका छैनन्,
जीन्दगीजोडिएकोगीतमाबच्चाले
यसरी गाए की मानौं ऊ आफैलाई
परेको छ यो पीडा ।’ गीत
गाउनुअघि गीतको भाव बताएका थिए प्रेमलाई
गीतकार बरालले ।
प्रेम परियार काठमाडौंमा संगीत सिक्दै र स्कूल पढ्दै
छन् । होटेलमा गीत सुनाउने
क्रममा भेटेका ललितपुरका शिशिर राणाले
प्रेमको खुवी देखेर उनलाई काठमाडौं ल्याएका थिए ।
राणाकै संरक्षणमा प्रेमले स्कूल र संगीतालयमा पढ्दै
आएका छन् ।
प्रेमका आमा, बुवाको गुजाराको मेलो सामान्य काम नै हो । आधुनिक,
लोक र हिन्दी गीत गाउन पारङत
प्रेम अहिले ललितपुरको एउटा संगीत सिकाउने
संस्थामा संगीत सिक्दै छन् । नाइ नभन्नु ल – २
का दुई गीत मध्ये
एउटा गीतको संगीत गरेका हुन्
बसन्त सापकोटाले ।
यी आँखामा तिमी छौं,
यो मनमा तिमी छौं ,
देखाउन पो त गाहे, जीवनमा तिमी छौं
तिमी भएर मात्रै,
जीन्दगीमा मज्जा छ
बरु सासले दिन्छ धोका, तिमीले दिन्न थाहा छ
बिछट्टै राम्रो गाएका छन यो गीतलाई प्रेमले ।
संगीतकार सापकोटाले शव्द उच्चारण, ‘फिलिङ्स’
मेलोडी टिप्ने खुबीको खुलेर तारिफ गरे ।
बसन्त सापकोटा भन्छन्‘ उनको स्वर ‘गड गिफ्ट’ हो, गाहे
गीत पनि सजिलै गाउछन उनी ।’
प्रेमले गाएको यो चलचित्रको गीतलाई युट्युवमा दश
हजार भन्दा धेरैले हेरिसकेका छन् । त्यस्तै प्रेमले
धादिङका गाडी र होटेलमा गाएका गीत
युट्यूवमा एकलाख भन्दा धेरैले हेरिसकेका छन. ।
२०६९ सालको पुस १३ गते उज्यालो ९० नेटवर्कले रंग
दर्पणमा प्रेमको प्रतिभाबारे एउटा रिपोर्ट प्रस्तुत गरेको थियो ।
त्यो रिपोर्ट बाल गायक प्रेमका बारेमा कुनै
पनि मिडियामा आएको पहिलो सामग्री थियो ।
प्रेमको प्रतिभाबारे संगीत गुरु अमृत
क्षेत्रीले भने ‘लय र शव्द व्यवसायिक गायकले झैं
तुरुन्त टिप्न सक्ने प्रेमको सवै
भन्दा ठूलो खुवी हो ।’ नेपाली मात्रै
होइन हिन्दी गीत पनि उत्तिकै
राम्रोसँग गाउनु प्रेमको अर्को खुवी हो ।
अव उनको उमेरका हिसावले स्वर फेरिने बेला भएको छ । त्यसैले
ख्याल गर्नुपर्ने सुझाव दिन्छन् बसन्त सापकोटा । प्रेमको कला र
गलाको प्रचार समाजिक सञ्जालमार्फत भैरहेको छ ।
विदेशमा रहेका धेरै नेपालीले प्रेमलाई सहयोग
गरेका छन । प्रेमले कतार, हङ्कङ, कोरिया, अष्ट्रेलियामा पुगेर
आफ्नो प्रतिभा देखाइसकेका छन् ।
अहिले नाम, दाम कमाएका गायक रामकृष्ण
ढकालको सांगीतिक यात्रा, प्रेम परियारको भन्दा खासै
फरक छैन । रामकृष्ण ढकाललाई यस्तै गरि गीत
गाउने समयमा नारायण गोपालसँग दाँजेका थिए धेरैले । अहिले प्रेम
परियारलाई उनै रामकृष्ण ढकालसँग तुलना गर्न थालेका छन् । प्रेमले
गाएका गीतले यति चाँडै चर्चा कमाउनु भनेको हुने
बिरुवाको चिल्लो पात भने जस्तै हो । भनिन्छ ढुंगाको काप फोरेर
पनि निस्कन्छ पीपल ।
त्यही उक्ति मिल्दैछ प्रेम परियारसँग ।

10:30 PM