सप्तकोशीमा पानीको बहाव वर्षकै उच्च, ३८ ढोका खोलियो (भिडियोसहित) | National News |

नसरी, श्रावण २९ । लगातारको वर्षाले सप्तकोशी नदीमा पानीको बहाव यस वर्षकै उच्च भएको छ । आज दिउँसो सवा ३ बजे गरिएको मापनअनुसार सप्तकोशीमा पानीको बहाव प्रतिसेकेन्ड ३ लाख १६ हजार क्युसेक नाघेको छ । पानीको बहाव बढेपछि ब्यारेजका ५६ मध्ये ३८ ओटा ढोका खोलिएका छन् ।

सामान्यतया सप्तकोशीमा पानीको बहाव एक लाख ५० हजार क्युसेक नाघेपछि खतराको सूचक मानिन्छ । खतरा बढेपछि सर्वसाधारणलाई सचेत गराउन रातो बत्ती बालिएको छ भने नदीले आसपासका बस्तीमा कटान थालेको छ । नदीले सुनसरीको बराहक्षेत्र, महेन्द्रनगर, प्रकाशपुर, मधुवन, पश्चिमकुशाहा, हरिपुर, श्रीपुर लौकही गाविसमा कटान सुरु गरेको हो ।

भारतले ३८ ओटा मात्र ढोका खोल्दा नदीको पानी पूर्ण रुपमा बग्न नपाएर नेपालतर्फको भू–भाग कटानमा परेको स्थानीयबासिन्दाले बताएका छन् छन् ।

उता, भारतले पनि विहार राज्यको वीरपुर ग्राम पञ्चायतमा बाढीले जुनसुकै बेला घर बगाएर धनजनको क्षति पुर्‍याउन सक्ने भन्दै सुरक्षित स्थानमा जान सर्वसाधारणलाई आग्रह गरेको छ ।

4:04 PM