जन्मियो ऊ लिएर नाम "दिनेशको"तर बन्यो कुख्यात् "चरी"
फैलायो नि कस्तो दुर्नाम? समाज र गाउँ घर देशभरी ।
जन्मँदै के ले’र आयो?निधारमै लुट्दै खाने ती जनलाई
त्यै नतिजा भोग्दै रोइेन् अहो!आमा कस्तोगरी लौ!धर्धरी ।
भन्छन् सबै कुपुत्र यी हुनुभन्दा अपुताली हुनु बेस् हो
दुर्गन्ध नै फैलियो रे सारा देश शहरको वरिपरी ।
लिन्छन् काम नेताहरु सोझा साझा युवालाई प्रयोग् गर्दै
जान्छ ज्यान नेताभक्ते बनेर लौ!अनाहकमै यसैगरी।
असल राम्रो शिक्षा दिने बाबु आमा खासै कहाँ हुँदा हुन् र ?
हुर्कन्छन् है "चरी"जस्तै दुर्नामको दुर्गन्ध नै यस्तै छरी ।
दिए होलान् पक्कै पनि आशिर्वाद बा-आमाले असल् बन्ने
कति खसे होलान् आसुँ?बा-आमाका आँखाबाट कठैबरी!
कति दुखे मुटु अनि भए बिचलित् शायद् परिवार् ती
सताउँदो हो आमालाई मृत छोराको सम्झनाले घरिघरि ।
0 comments:
Post a Comment