कोरियन भाषा परीक्षाको फारम भर्न रातभर लाइनमा

काठमाडौँ, २७ साउन, भोलि बुधवारदेखि सुरु हुने कोरियन भाषा परीक्षा (इपिएस) को फारम भर्न आज दिउँसोदेखि नै युवाहरु लाइनमा बसेका छन् । भोलिबाट भिडभाड हुने र फारम भर्न नपाइने हो कि भन्दै युवाहरु आजैबाट लाइनमा बसेका हुन् । भोलि विहान ९ बजेबाट सुरु हुने फारम वितरणको लागि हजारैँ युवा अहिले रातभरी पनि सडकमा र खुला चौरमा रातै विताउने गरी लाइनमा उभिएका छन् । काठमाडौँका ३ स्थानमा फारम भर्न पाइने भए पनि कीर्तिपुर स्थित ल्यावरोटरी स्कूलमा आजैबाट युवाहरुको जमात बढेको छ । आज दिउँसोबाटै लाइन बसेका युवाहरु बेलुका हुँदा करिब २ हजारको संख्यामा लाइनमा बसेका छन् । उनीहरु फारम भर्नकै लागि भात, पानी, निन्द्रा माया मारेर लाइनमा लागेका हुन् । फारम भर्ने परीक्षार्थी कति हुन्छन्, अन्तिममा भर्न पाइने हो कि नपइने हो भन्ने त्रास र अज्ञानताका कारण युवाहरु रातविरात लाइनमा बसेका छन् । कीर्तिपुरको सुन्दरीघाट स्थित फारम वितरण केन्द्रमा लाइन लागेका युवालाई प्रहरीले नियन्त्रण गर्न अहिले कठिन भइ रहेको छ । उनीहरु अगाडि बस्ने सोचमा घम्साघम्सी गर्न र तछाडमछाड गर्न लागि परेका छन् । भाषा परीक्षामा पास हुँदैमा कोरिया जान पाइन्छ भन्ने ग्यारेन्टी हुँदैन भनेर इपिएस शाखाले पटक पटक सूचना गर्दा पनि युवाहरुमा कोरिया मोह बढेको र धन कमाउने सपनाले यो रातमा लाइन बस्न तम्सिएका हुन् । साउन २८ गतेदेखि ३१ गतेसम्म फारम भर्ने म्याद तोकिएको भए पनि भोलि २८ गतेकै लागि धेरै आजैबाट लाइनमा बसेका छन् । अघिल्लो साल भएको परीक्षामा पनि फारम भर्न युवाहरु अघिल्लो दिनदेखि नै लाइनमा बसेको तर दोस्रो दिनदेखि लाइन पुरै खाली भएको थियो । यो पटक ६० हजार आवेदन पर्न सक्ने भन्दै सोही अनुसार फारम वितरण गरिने इपिएस शाखाले जनाएको छ । अघिल्लो सालको परीक्षामा करिब ४८ हजारले आवेदन फारम भरेका थिए । उत्पादनमूलक क्षेत्र र कृषि, पशुपालन तथा मत्यपालन गरी दुई शीर्षकमा फारम भर्न पाइने व्यवस्था यो पटक पनि गरेको छ भने कति संख्यामा परीक्षार्थी उत्तीर्ण गराउने त्यो भने यो पटक खुलाइएको छैन । अघिल्लो वर्ष करिब ८ हजारलाई पास गराइएकोमा यो पटक केही संख्या बढ्न सक्ने अनुमान भने गरिएको छ । सडक तथा नालीमा सर्प तथा अन्य किराहरुको डर हुने भए पनि युवाहरुको त्यसको पर्वाह नगरी कोरियाको सपना देखेर यसरी लाइनमा २४ घण्टा अघिदेखि नै उभिँदा धेरैको मन खिन्न भएको पाइएको छ । परीक्षा फारम वितरणलाई मर्यादित बनाउन र युवाको यस्तो समस्यालाई मध्यनजर गरेर आजैबाट यसरी अनियन्त्रित भिड फारम वितरण केन्द्रमा जम्मा हुन नदिनु पर्नेमा प्रशासन तथा सम्बन्धित निकायले कुनै पहल गरेको देखिदैन । ४ दिनको फारम वितरणमा सहज नभए अर्को दिन थप गरेर भए पनि सहभागिहरुलाई फारम भर्नबाट बञ्चित गर्न नहुनेमा रातविरात लाइनमा बस्न बाध्य बनाइएको गुनासो परीक्षार्थीहरुको छ - See more at: 

12:27 PM