भारत हुँदै मकाउ जाँदै गरेका सात नेपाली युवतीको उद्धार

बर्दिया, भाद्र १९ । नयाँ दिल्ली हुँदै मकाउ जाने क्रममा प्रहरीले बर्दियाको सीमानामा पर्ने भारतको उत्तरप्रदेश बहराइचको लौकाहीबाट ७ जना नेपाली युवतीलाई उद्धार गरेको छ ।

 भारतीय सीमा सुरक्षा बल एसएसवीको सहयोगमा गोरखा र बुटवल घर भएका  ती युवतीलाई उद्धार गरिएको हो ।

उनीहरुलाई अहिले नेपाल प्रहरीको जिम्मामा राखिएको छ । नेपालगञ्ज नाका हुँदै भारत जान लागेका युवतीहरुलाई माइती नेपालले फिर्ता पठाएपछि उनीहरु अर्को बाटो जान लागेका थिए ।

उद्धार गरिएका युवती अभिभावकलाई जिम्मा लगाइने प्रहरीले जनाएको छ । युवतीसँगै पक्राउ परेकालाई भने

अनुसन्धानपछिमात्र सार्वजनिक गरिने भएको छ ।

2:26 AM