नक्कली सुनको कारोबार गर्ने ४ जना पक्राउ

काधनकुटा, भाद्र १९ । जिल्ला प्रहरी कार्यलय धनकुटाले नक्कली सुनको कारोबार गर्ने ४ जनालाई पक्राउ गरी सार्वजनिक गरेको छ । पक्राउ पर्नेमा विराटनगर ३ का सुनिल सोनी, मोरङ इन्द्रपुरका इन्दिरा राई, सुनसरी बक्लौरी ३ का युगेन बस्नेत र सोलु सल्लेरी घर भइ हाल इटहरी बस्ने नुरु तामाङ रहेका छन् ।

उनीहरुलाई पत्रकार सम्मेलन गरी आज सार्वजनिक गरिएको हो । उनीहरुले नक्कली सुनको गहना बनाइ पूर्वका जिल्लाहरुमा गएर बिक्री गर्दै आएका थिए ।

सुनजस्तो देखिने लेपन लगाएको बाला देखाइ धनकुटासहित मोरङ, सुनसरी र तेह्रथुमका ३० स्थानका सुन पसलमा ठगी गरेको जिल्ला प्रहरी कार्यालय धनकुटाले पत्रकार सम्मेलनमार्फत् जानकारी दिएको छ ।

सो गिरोहको साथबाट प्रहरीले सातओटा नक्कली सुनको बाला,  ५४ हजार ६ सय नगद, चार थान मोबाइल र एक थान मोटरसाइकल समेत बरामत गरेको छ ।

2:13 AM